துத்தநாக பெர்குளோரேட்டு

துத்தநாக பெர்குளோரேட்டு (Zinc perchlorate) என்பது Zn(ClO₄)₂ என்ற மூலக்கூற்று வாய்ப்பாட்டால் விவரிக்கப்படும் ஒரு வேதியியல் சேர்மமாகும். அறுநீரேற்றாக இது உருவாகிறது.

தயாரிப்பு

துத்தநாக ஆக்சைடு அல்லது துத்தநாக கார்பனேட்டை பெர்குளோரிக் அமிலத்தில் கரைத்தால் துத்தநாக பெர்குளோரேட்டு உருவாகும்:

• $\mathrm{Z}\mathrm{n}\mathrm{O}+2\mathrm{H}\mathrm{C}\mathrm{l}\mathrm{O}{\phantom{A}}_4⟶\mathrm{Z}\mathrm{n}(\mathrm{C}\mathrm{l}\mathrm{O}{\phantom{A}}_4){\phantom{A}}_2+\mathrm{H}{\phantom{A}}_2\mathrm{O}$

• $\mathrm{Z}\mathrm{n}\mathrm{C}\mathrm{O}{\phantom{A}}_3+2\mathrm{H}\mathrm{C}\mathrm{l}\mathrm{O}{\phantom{A}}_4⟶\mathrm{Z}\mathrm{n}(\mathrm{C}\mathrm{l}\mathrm{O}{\phantom{A}}_4){\phantom{A}}_2+\mathrm{H}{\phantom{A}}_2\mathrm{O}+\mathrm{C}\mathrm{O}{\phantom{A}}_2$

வேதிப்பண்புகள்

உயர் வெப்பநிலைக்கு சூடாக்கப்படும் போது இச்சேர்மம் சிதைவடைகிறது. துத்தநாக பெர்குளோரேட்டு மிகவும் வலுவாக சூடேற்றப்பட்டால் வெடிக்க நேரிடலாம்.

தாமிர பெர்குளோரேட்டு மற்றும் காரீய பெர்குளோரேட்டு போன்ற மற்ற பெர்குளோரேட்டுகளைப் போலவே, துத்தநாக பெர்குளோரேட்டுகளும் ஈரமுறிஞ்சுகின்றன.

8-அமினோகுயினோலின், முக்கார்போ ஐதரசைடு மற்றும் டெட்ராபீனைலெத்திலீன் டெட்ராடிரையசோல் போன்ற ஈந்தணைவிகளுடன் துத்தநாக பெர்குளோரேட்டு ஒருங்கிணைவுச் சேர்மங்களை உருவாக்குகிறது.

இயற்பியல் பண்புகள்

Zn(ClO₄)₂·6H₂O என்ற வாய்ப்பாட்டைக் கொண்ட அறுநீரேற்றாக துத்தநாக பெர்குளோரேட்டு உருவாகிறது. துத்தநாக பெர்குளோரேட்டு ஒரு நீருறிஞ்சும் திண்மப் பொருளாக நிறமற்றும், மணமற்றும் காணப்படுகிறது. நீரில் கரைகிறது. குறைந்த எடையுள்ள ஆல்ககால்களை உருவாக்குகிறது.

பயன்கள்

துத்தநாக பெர்குளோரேட்டு ஒரு வினையூக்கியாகவும் ஆக்சிசனேற்றியாகவும் பயன்படுத்தப்படுகிறது.