கூறுவெளி

நிகழ்தகவுக் கோட்பாட்டில் கூறுவெளி அல்லது மாதிரிவெளி (Sample space) என்பது ஒரு சமவாய்ப்புச் சோதனையின் அனைத்து நிகழ்வுகளையும் கொண்ட கணம். இது பெரும்பாலும் S, Ω, அல்லது U எனும் குறியீடுகளால் குறிக்கப்படுகிறது.

எடுத்துக்காட்டுகள்

• சீரான ஒரு நாணயத்தை ஒருமுறை சுண்டும் போது கிடைக்கக்கூடிய விளவுகள் தலை, பூ ஆகிய இரு விளைவுகள்.

இச்சமவாய்ப்பு சோதனையின் கூறுவெளி:

$\{\text{H T}\}$

இங்கு H என்பது தலை விழும் நிகழ்ச்சி; T என்பது பூ விழும் நிகழ்வு.

• சீரான இரு நாணயங்களை ஒருமுறை அல்லது சீரான ஒரு நாணயத்தை இருமுறை சுண்டும் சமவாய்ப்பு சோதனையின் கூறுவெளி:

$\{\text{HH HT TH TT}\}$

• மூன்று நாணயங்களைச் சுண்டும் சமவாய்ப்பு சோதனையின் கூறுவெளியினை ஒரு நாணயத்தைச் சுண்டும் சமவாய்ப்புச் சோதனையின் கூறுவெளி மற்றும் இரு நாணயங்களைச் சுண்டும் சமவாய்ப்புச் சோதனையின் கூறுவெளி ஆகிய இரண்டின் கார்ட்டீசியன் பெருக்கலாகக் காணலாம்:

$\{\text{H, T}\}$ X $\{\text{HH HT TH TT}\}$ = $\{\text{HHH HTH THH TTH HHT HTT THT TTT}\}$

• ஆறு முகங்கள் கொண்ட ஒரு சீரான பகடையை வீசும் சமவாய்ப்புச் சோதனையின் கூறுவெளி:

$\{\text{1,2,3,4,5,6}\}$

• இரு பகடைகளை வீசும் சமவாய்ப்புச் சோதனையின் கூறுவெளி:

$\{\text{1,2,3,4,5,6}\}$ X $\{\text{1,2,3,4,5,6}\}$ = $\{\text{(1,1) (1,2) (1,3) (1,4) (1,5) (1,6) (2,1) (2,2) (2,3) (2,4) (2,5) (2,6) (3,1) (3,2) (3,3) (3,4) (3,5) (3,6) (4,1) (4,2) (4,3) (4,4) (4,5) (4,6) (5,1) (5,2) (5,3) (5,4) (5,5) (5,6) (6,1) (6,2) (6,3) (6,4) (6,5)(6,6)}\}$