நான்முக எண்

எண்கணிதத்தில் நான்முக எண் (tetrahedral number) அல்லது முக்கோண பிரமிடு எண் (triangular pyramidal number) என்பது அடி மற்றும் மூன்று பக்கங்களும் முக்கோணமாகக் கொண்ட பிரமிடைக் குறிக்கும் வடிவ எண்ணாகும். இந்தப் பிரமிடு ஒரு நான்முகி ஆகும். n -ஆம் நான்முக எண், முதல் n முக்கோண எண்களின் கூடுதலுக்குச் சமமாக இருக்கும்..

முதல் நான்முக எண்கள் சில வார்ப்புரு:OEIS :

1, 4, 10, 20, 35, 56, 84, 120, 165, 220, 286, 364, 455, 560, 680, 816, 969, …

T_{n} = \frac{n (n + 1) (n + 2)}{6} = \frac{n^{\overline{3}}}{3!}

இங்கு : $n^{\overline{3}}$ -மூன்றாம் கூடும் தொடர்பெருக்கம்.

குறிப்பிடத்தக்க விவரங்கள்

பாஸ்கலின் முக்கோணத்தில் இடமிருந்து வலமாக அல்லது வலமிருந்து இடமாக பார்த்தாலும் நான்முக எண்கள், நான்காவது இடத்தில் அமைகின்றன. எனவே நான்முக எண்கள் ஈருறுப்புக் கெழுக்களாகும்:

T_{n} = (\binom{n + 2}{3}) .

மூன்று நான்முக எண்கள் மட்டுமே முழு வர்க்கங்களாக இருக்கும் என்பதை 1878 -ல் கணிதவியலாளர் ஏ. ஜே. மெய்ல் நிறுவியுள்ளார்:

T_{1} = 1^{2} = 1 .

T_{2} = 2^{2} = 4 .

T_{4} 8 = 14 0^{2} = 19600

சதுர பிரமிடு எண்ணாக அமையும் நான்முக எண் 1 மட்டும்தான். (புயூக்கர்ஸ், 1988) முழு கனமாக அமையும் நான்முக எண்ணும் 1 மட்டுமே.
தலைகீழ் நான்முக எண்களின் முடிவிலா கூட்டுத்தொகை:

\sum_{n = 1}^{\infty} \frac{6}{n (n + 1) (n + 2)} = \frac{3}{2}

ஒற்றை-இரட்டை-இரட்டை-இரட்டை என்ற அமைப்பில் நான்முக எண்கள் அமைந்துள்ளதைக் காணலாம்.
: $T_{5} = T_{1} + T_{2} + T_{3} + T_{4} .$
முக்கோண எண்ணாகவும் நான்முக எண்ணாகவும் அமையும் எண்கள் கீழ்க்காணும் ஈருறுப்புக் கெழுச் சமன்பாட்டை நிறைவு செய்யும்:

T r_{n} = (\binom{n + 1}{2}) = (\binom{m + 2}{3}) = T e_{m} .

முதல் நான்முக எண் = முதல் முக்கோண எண் = 1

3-ஆம் நான்முக எண் = 4-ஆம் முக்கோண எண் = 10

8-ஆம் நான்முக எண் = 15-ஆம் முக்கோண எண் = 120

20 -ஆம் நான்முக எண் = 55 -ஆம் முக்கோண எண் = 1540

34-ஆம் நான்முக எண் = 119-ஆம் முக்கோண எண் = 7140