நியோடிமியம் டங்சுடேட்டு

நியோடிமியம் டங்சுடேட்டு (Neodymium tungstate) Nd₂(WO₄)₃ என்ற மூலக்கூற்று வாய்ப்பாட்டால் விவரிக்கப்படும் கனிமச் சேர்மமாகும். நியோடிமியமும் டங்சுடிக் அமிலமும் சேர்ந்து நியோடிமியம் டங்சுடேட்டு என்ற இந்த உப்பு உருவாகிறது. நீரேற்றப்பட்ட வெளிர் ஊதா நிற படிகங்களான இச்சேர்மம் தண்ணீரில் சிறிதளவு கரைகிறது.

தயாரிப்பு

• நியோடிமியம்(III) ஆக்சைடு உடன் தங்குதன்(VI) ஆக்சைடு வினைபுரிந்து நீரற்ற நியோடிமியம் டங்சுடேட்டு உருவாகிறது:

$𝖭{𝖽}_{\mathrm{𝟤}}{𝖮}_{\mathrm{𝟥}}\mathsf{+}\mathrm{𝟥}𝖶{𝖮}_{\mathrm{𝟥}}\stackrel{1000^{o}C}{\to }𝖭{𝖽}_{\mathrm{𝟤}}\mathsf{(}𝖶{𝖮}_{\mathrm{𝟦}}{\mathsf{)}}_{\mathrm{𝟥}}$

• சோடியம் டங்சுடேட்டுடன் நியோடிமியம் நைட்ரேட்டு வினைபுரியும்போது இச்சேர்மத்தின் ஒன்பது நீரேற்று உருவாகிறது

$\mathrm{𝟥}𝖭{𝖺}_{\mathrm{𝟤}}𝖶{𝖮}_{\mathrm{𝟦}}\mathsf{+}\mathrm{𝟤}𝖭𝖽\mathsf{(}𝖭{𝖮}_{\mathrm{𝟥}}{\mathsf{)}}_{\mathrm{𝟥}}\stackrel{}{\to }𝖭{𝖽}_{\mathrm{𝟤}}\mathsf{(}𝖶{𝖮}_{\mathrm{𝟦}}{\mathsf{)}}_{\mathrm{𝟥}}\mathsf{\cdot }\mathrm{𝟫}{𝖧}_{\mathrm{𝟤}}𝖮\mathsf{\downarrow }\mathsf{+}\mathrm{𝟨}𝖭𝖺𝖭{𝖮}_{\mathrm{𝟥}}$

பண்புகள்

நியோடிமியம் டங்சுடேட்டு ஒற்றைச் சரிவு படிக அமைப்பில் படிகத்தை உருவாக்குகிறது. இடக்குழு A 2/a, லட்டு மாறிலிகள் a = 1.151 nm, b = 1.159 nm, c = 0.775 nm மற்றும் β = 109.67 °.என்பவை இதன் அடையாள ஆள்கூறுகளாகும். எத்தனால் மற்றும் அசிட்டோனில் கரையாது ஆனால் தண்ணீரில் சிறிது கரையும். Nd₂(WO₄)₃·9H₂O என்ற மூலக்கூற்று வாய்ப்பாட்டால் விவரிக்கப்படும் ஒன்பது நீரேற்று சேர்மத்தை இது உருவாக்குகிறது.