புரோடாக்டினியம்(IV) குளோரைடு

புரோடாக்டினியம்(IV) குளோரைடு (Protactinium(IV) chloride) என்பது PaCl₄ என்ற மூலக்கூற்று வாய்ப்பாட்டால் விவரிக்கப்படும் ஒரு கனிம வேதியியல் சேர்மமாகும். புரோடாக்டினியமும் குளோரைடும் சேர்ந்து இந்த ஆக்டினியம் ஆலைடு உருவாகிறது. நாற்கோண படிக அமைப்பின் மஞ்சள்-பச்சை நிறப் படிகமாக புரோடாக்டினியம்(IV) குளோரைடு காணப்படுகிறது.

தயாரிப்பு

புரோடாக்டினியம்(V) குளோரைடை ஒடுக்க வினைக்கு உட்படுத்தி புரோடாக்டினியம்(IV) குளோரைடை தயாரிக்கலாம்.

$2\mathrm{P}\mathrm{a}\mathrm{C}\mathrm{l}{\phantom{A}}_5+\mathrm{H}{\phantom{A}}_2⟶2\mathrm{P}\mathrm{a}\mathrm{C}\mathrm{l}{\phantom{A}}_4+2\mathrm{H}\mathrm{C}\mathrm{l}$

$3\mathrm{P}\mathrm{a}\mathrm{C}\mathrm{l}{\phantom{A}}_5+\mathrm{A}\mathrm{l}⟶3\mathrm{P}\mathrm{a}\mathrm{C}\mathrm{l}{\phantom{A}}_4+\mathrm{A}\mathrm{l}\mathrm{C}\mathrm{l}{\phantom{A}}_3$

புரோடாக்டினியம்(IV) ஆக்சைடை ஆலசனேற்ற வினைக்கு உட்படுத்தி குளோரினேற்றம் செய்தும் இதை தயாரிக்கலாம்:

$\mathrm{P}\mathrm{a}\mathrm{O}{\phantom{A}}_2+2\mathrm{C}\mathrm{C}\mathrm{l}{\phantom{A}}_4⟶\mathrm{P}\mathrm{a}\mathrm{C}\mathrm{l}{\phantom{A}}_4+2\mathrm{C}\mathrm{O}\mathrm{C}\mathrm{l}{\phantom{A}}_2$

வெற்றிடத்தில் 500 பாகை செல்சியசு வெப்பநிலையில் புரோடாக்டினியம் ஆக்சி குளோரைடை சிதைவு வினைக்கு உட்படுத்தியும் புரோடாக்டினியம்(IV) குளோரைடை தயாரிக்கலாம்:

$2\mathrm{P}\mathrm{a}\mathrm{O}\mathrm{C}\mathrm{l}{\phantom{A}}_2⟶\mathrm{P}\mathrm{a}\mathrm{C}\mathrm{l}{\phantom{A}}_4+\mathrm{P}\mathrm{a}\mathrm{O}{\phantom{A}}_2$

பண்புகள்

புரோடாக்டினியம்(IV) குளோரைடு நீருறிஞ்சும் படிகத் திடப்பொருளாகும். வெற்றிடத்தில் 400 °செல்சியசு வெப்பநிலையில் இது பதங்கமாகும். வலுவான கனிம அமிலங்களில் கரைந்து பச்சை நிற கரைசல்களை உருவாக்கும். அசிட்டோ நைட்ரைலுடன் சேர்ந்து சிக்கலான PaCl4·4CH3CN அணைவுச் சேர்மத்தைக் கொடுக்கிறது. I41/am இடக்குழு எண். 141) என்ற இடக்குழுவில் a = 837.7 பைக்கோமீட்டர், c = 747.9 பைக்கோமீட்டர் என்ற அளவுருக்களுடன் யுரேனியம்(IV) குளோரைடு வகை படிகக் கட்டமைப்புடன் இச்சேர்மம் ஒரு நாற்கோணப் படிக அமைப்பைக் கொண்டுள்ளது. of the uranium(IV) chloride type.