ஆணித் தள்ளுகை

ஆணித் தள்ளுகை அல்லது குழலாசன அழுத்தம் (ஆங்கிலம்: Bolt thrust, breech pressure) என்பது, எறியம் சுடப்படுகையில், உந்து வாயுக்களால், இயங்குமுறையின் ஆணி அல்லது குழலாசனத்தின் மீது செலுத்தப்படும் பின்னோக்கிய விசையின் அளவை விவரிக்கும் ஒரு சொல் ஆகும். இச்சொல் அக எறியியல் மற்றும் (சிறிய ரக அல்லது பீரங்கி ரக) சுடுகலன்களில் பிரயோக்கிக்கப்படும். இவ்வாறு செலுத்தப்படும் விசை ஆனது, அளவும் (Magnitude), திசையும் கொண்டிருப்பதால்; இது ஒரு திசையன் பொருள் ஆகிறது.

ஆயுத வடிவமைப்பில் ஆணித் தள்ளுகை ஒரு முக்கிய காரணி ஆகும். எந்த அளவிற்கு ஆணித் தள்ளுகை அதிகம் ஆகிறதோ, அந்த அளவை தாக்குப்பிடிக்கும் வலிமையை பூட்டும் இயங்குநுட்பம் கொண்டிருக்க வேண்டும்.

பின்னுதைப்பின் அளவை கண்டறிய, ஆணித் தள்ளுகை பயன்படாது.

ஆணித் தள்ளுகை கணிப்பு

அடிப்படையான கணிதத்தால், ஒரு குறிப்பிட்ட வெடிபொதியின் ஆணித் தள்ளுகையை துல்லியமாக கணக்கிடலாம்.

சூத்திரம்

{\vec{F}}_{b o l t} = P_{m a x} \cdot A_{i n t e r n a l} .

^[1]

இங்கே:

F_bolt = ஆணித் தள்ளுகை அளவு
P_max = வெடிபொதியால் அறையில் ஏற்படும் உச்சபட்ச அழுத்தம்
A_internal = உந்துபொருள் எரிவதால் உண்டாகும் வாயுக்களின் அழுத்தத்தை தாங்கும் (பொதியுறைத் தலையின்) உட் பரப்பளவு

பொதியுறைத் தலைகளும், அறைகளும் பொதுவாக வட்டமாக இருக்கும். ஒரு வட்டத்தின் பரப்பளவு:

A r e a = π r^{2} \approx 3.1416 \cdot r^{2} .

இங்கே:

π ≈ 3.1416
r = வட்டத்தின் ஆரையம்

இதையே, வட்டத்தின் விட்டம் d-ஐ கொண்டு எழுதினால்

இதில் ஒரு நடைமுறை சிக்கல் உள்ளது. உற்பத்தி செய்யப்பட்ட பொதியுறையை சேதமாக்காமல், அதன் தலையின் உள் விட்டத்தை அளப்பது அவ்வளவு எளிதல்ல.