இட்ரியம் அயோடைடு

வார்ப்புரு:Chembox இட்ரியம் அயோடைடு (Yttrium iodide) என்பது YI₃ என்ற மூலக்கூற்று வாய்ப்பாட்டால் விவரிக்கப்படும் ஒரு கனிம வேதியியல் சேர்மமாகும். இட்ரியமும் ஐதரயோடிக் அமிலமும் சேர்ந்து இந்த உப்பு உருவாகிறது. நிறமற்ற படிகங்களாக உருவாகும் இது தண்ணீரில் கரையும்.

தயாரிப்பு

இட்ரியத்துடன் அயோடினைச் சேர்த்து மந்தவாயுச் சூழலில் சூடுபடுத்தினால் இட்ரியம் அயோடைடு கிடைக்கும்.

$2\mathrm{Y}+3\mathrm{I}{\phantom{A}}_2⟶2\mathrm{Y}\mathrm{I}{\phantom{A}}_3$

இட்ரியம் ஆக்சைடுடன் அமோனியம் அயோடைடு சேர்த்து சூடுபடுத்தினாலும் இட்ரியம் அயோடைடு கிடைக்கும்:

$\mathrm{Y}{\phantom{A}}_2\mathrm{O}{\phantom{A}}_3+6\mathrm{N}\mathrm{H}{\phantom{A}}_4\mathrm{I}⟶2\mathrm{Y}\mathrm{I}{\phantom{A}}_3+6\mathrm{N}\mathrm{H}{\phantom{A}}_3+3\mathrm{H}{\phantom{A}}_2\mathrm{O}$

இட்ரியம் ஆக்சைடு அல்லது இட்ரியம் ஐதராக்சைடை ஐதரயோடிக் அமிலத்துடன் வினைபுரியச் செய்வதன் மூலமும் இட்ரியம் அயோடைடைத் தயாரிக்கலாம்.

இயற்பியல் பண்புகள்

இட்ரியம் அயோடைடு நிறமற்ற செதில் போன்ற படிகங்களாக உருவாகிறது. BiI₃ கட்டமைப்பின் வகையை இதன் படிக அமைப்பும் கொண்டிருக்கிறது.

தண்ணீர் மற்றும் எத்தனாலில் நன்றாக கரைகிறது. ஈரெத்தில் ஈதரில் கரையாது.

மூன்று மற்றும் அறுநீரேற்றுகளாகவும் இட்ரியம் அயோடைடு தோன்றுகிறது.

பயன்

தாழ் வெப்பநிலைகளில் இட்ரியம் பேரியம் தாமிர ஆக்சைடு மீக்கடத்தி வேதிப் பொருட்களை தயாரிக்க உதவும் முன்னோடிச் சேர்மமாக இட்ரியம் அயோடைடு பயன்படுத்தப்படுகிறது.