இலித்தியம் பாசுபைடு

இலித்தியம் பாசுபைடு (Lithium phosphide) என்பது Li₃P என்ற மூலக்கூற்று வாய்ப்பாட்டால் விவரிக்கப்படும் ஒரு கனிம வேதியியல் சேர்மமாகும். பாசுபரசும் இலித்தியமும் சேர்ந்து இச்சேர்மம் உருவாகிறது.

தயாரிப்பு

ஆர்கான் வாயுச் சூழலில் சிவப்பு பாசுபரசையும் இலித்தியத்தையும் சேர்த்து சூடுபடுத்தினால் இலித்தியம் பாசுபைடு உருவாகிறது:

$3\mathrm{L}\mathrm{i}+\mathrm{P}⟶\mathrm{L}\mathrm{i}{\phantom{A}}_3\mathrm{P}$

மோனோலித்தியம் பாசுபைடுடன் இலித்தியத்தைச் சேர்த்தாலும் வினை நிகழ்ந்து இச்சேர்மம் கிடைக்கிறது.

$\mathrm{L}\mathrm{i}\mathrm{P}+2\mathrm{L}\mathrm{i}⟶\mathrm{L}\mathrm{i}{\phantom{A}}_3\mathrm{P}$

இயற்பியல் பண்புகள்

இடக்குழு P63/mmc மற்றும் a = 0.4264 நானோமீட்டர், c = 0.7579 நானோமீட்டர், Z = 2. என்ற அலகு அளவுருக்களுடன் இலித்தியம் பாசுபைடு செம் பழுப்பு நிறத்தில் அறுகோணப் படிகத் திட்டத்தில் படிகமாகிறது.

வேதிப் பண்புகள்

இலித்தியம் பாசுபைடு தண்ணீருடன் வினைபுரிந்து பாசுபீனைக் கொடுக்கிறது::

$\mathrm{L}\mathrm{i}{\phantom{A}}_3\mathrm{P}+3\mathrm{H}{\phantom{A}}_2\mathrm{O}⟶3\mathrm{L}\mathrm{i}\mathrm{O}\mathrm{H}+\mathrm{P}\mathrm{H}{\phantom{A}}_3$

பயன்கள்

திட நிலை மின்கலன்களுக்கான சாத்தியமான மின்பகுளியாக இலித்தியம் பாசுபைடைப் பயன்படுத்த பரிந்துரைக்கப்படுகிறது.