ஏணி கோட்டுரு

கோட்டுருவியலில் ஏணி கோட்டுரு (ladder graph) L_n என்பது 2n முனைகளும் 3n-2 விளிம்புகளும் கொண்ட சமதளப்படுத்தக்கூடிய திசையற்ற கோட்டுருவாகும்.

இரு பாதை கோட்டுருக்களின் கார்ட்டீசியன் பெருக்கற்பலனாக ஏணி கோட்டுருவை உருவாக்கலாம். அவ்விரு பாதை கோட்டுருக்களில் ஒன்று ஒரேயொரு விளிம்புடையதாக இருக்க வேண்டும்: L_n,1 = P_n × P₂.

பண்புகள்

• ஏணி கோட்டுரு L_n, n படிகள் கொண்ட ஏணிவடிவத் தோற்றமுடையது.
• L_n, கட்டக் கோட்டுருவான G_2,n உடன் சமவளவைவுடையதாக இருக்கும்.
• அகலம் 4 (n>1) மற்றும் நிறக் குறியீட்டெண் 3 (n>2) கொண்ட அமில்தோன் கோட்டுருவாக அமையும்.

• ஏணி கோட்டுருவின் நிற எண் 2;

நிற பல்லுறுப்புக்கோவை $(x-1)x(x^2-3x+3{)}^{(n-1)}$.

ஏணி கோட்டுருக்கள்: L₁, L₂, L₃, L₄, L₅.

• 
  ஏணி கோட்டுருவின் நிற எண்  2.

வட்ட ஏணி கோட்டுரு

வட்ட ஏணி கோட்டுருவை (CL_n) n≥3 நீளமுள்ள சுழற்சி மற்றும் ஒரு விளிம்பின் கார்ட்டீசியன் பெருக்கற்பலனாக அல்லது இரு படிகொண்ட நான்கு முனைகளை "நேராக" இணைப்பதன் மூலம் உருவாக்கலாம். வட்ட ஏணி கோட்டுருவை குறியீட்டில் CL_n = C_n × P₂ எனக் எழுதலாம். இது 2n முனைகளும் 3n விளிம்புகளுமுடையது.

ஏணி கோட்டுருவைப் போலவே வட்ட ஏணி கோட்டுருவும் இணைப்புள்ள கோட்டுரு; சமதளப்படுத்தக் கூடியது; அமில்தோன் கோட்டுரு. ஆனால் n இரட்டை எண்ணாக இருந்தால் மட்டுமே இருகூறு கோட்டுருவாக இருக்கும்.

பட்டகங்களின் பன்முகக் கோட்டுருக்களாக அமைவதால் வட்ட ஏணி கோட்டுருக்கள் பட்டகக் கோட்டுருக்கள் எனவும் அழைக்கப்படுகின்றன.

வட்ட ஏணி கோட்டுருக்கள்:

CL3

CL4

CL5

CL6

CL7

CL8

மோபியசு ஏணி

இரு படிகொண்ட நான்கு முனைகளை குறுக்காக இணைப்பதன் மூலம் உருவாகும் [முப்படிக் கோட்டுரு]] மோபியசு ஏணி என அழைக்கப்படுகிறது.

மோபியசு ஏணி M₁₆ இன் இருவிதத் தோற்றம்.