செருமேனியம் இருபுரோமைடு

செருமேனியம் இருபுரோமைடு (Germanium dibromide) GeBr₂ என்ற மூலக்கூற்று வாய்ப்பாட்டால் குறிக்கப்படும் ஒரு வேதிச் சேர்மமாகும். செருமேனியத்தின் புரோமைடு உப்பாக இது கருதப்படுகிறது.

தயாரிப்பு

செருமேனியத்தின் டெட்ராபுரோமைடை செருமேனியம் அல்லது துத்தநாகம் தனிமத்துடன் சேர்த்து ஒடுக்க வினையின் மூலம் குறைத்து செருமேனியம் இருபுரோமைடு தயாரிக்கப்படுகிறது.

$\mathrm{G}\mathrm{e}+\mathrm{G}\mathrm{e}\mathrm{B}\mathrm{r}{\phantom{A}}_4⟶2\mathrm{G}\mathrm{e}\mathrm{B}\mathrm{r}{\phantom{A}}_2$

பண்புகள்

செருமேனியம் இருபுரோமைடு என்பது மஞ்சள்-வெள்ளை நிறத்தில் காணப்படும் ஒரு திண்மப் பொருளாகும். எத்தனால் மற்றும் அசிட்டோனில் கரைகிறது. செருமேனியத்தின் டெட்ராபுரோமைடாகவும் செருமேனியமாகவும் இது விகிதாச்சாரமின்றி சிதைவடைகிறது. நீராற்பகுப்புக்கு உட்படுத்தப்பட்டால் செருமேனியம் ஈராக்சைடாக மாற்றமடைகிறது.

P21/c (எண். 14) என்ற இடக்குழுவும், a = 11.68 Å, b = 9.12 Å, c = 7.02 Å, மற்றும் β = 101.9° என்ற அணிக்கோவை அளவுருக்களும் கொண்டு ஒற்றைச் சரிவச்சுப் படிகத்திட்டத்தில் செருமேனியம் இருபுரோமைடு படிகமாகிறது. ஈதர் கரைப்பானில் உள்ள வளையபெண்டா டையீனைல் சோடியம் அல்லது வளையபெண்டா டையீனைல் தாலியத்துடன் வினைபுரிந்து செருமேனோசீனை உருவாக்குகிறது.