டெட்ரா ஐதராக்சிடைபோரான்

டெட்ரா ஐதராக்சிடைபோரான் (Tetrahydroxydiboron) என்பது B₂H₄O₄ என்ற மூலக்கூற்று வாய்ப்பாடு கொண்ட ஒரு கனிம வேதியியல் சேர்மமாகும். வேதியியல் வினையாக்கியான இச்சேர்மத்தைப் பயன்படுத்தி போரானிக் அமிலங்கள் தயாரிக்கப்படுகின்றன .

தயாரிப்பு

போரான் டிரைகுளோரைடுடன் ஆல்ககால்களைச் சேர்த்து வினைபுரியச் செய்யும் தயாரிப்பு முறை 1931 ஆம் ஆண்டில் நடைமுறைப்படுத்தப்பட்டது. இம்முறையில் டைமெத்தாக்சிபோரான் குளோரைடு (B(OCH3)2Cl) தயாரிக்கப்பட்டது . இச்சேர்மத்திலிருந்து இகோன் வைபெர்க் மற்றும் வில்லெம் ருச்மான் ஆகியோர் டெட்ரா ஐதராக்சிடைபோரானை முதலில் போரான் – போரான் பிணைப்பை அறிமுகப்படுத்தும் முறையில் தயாரித்தனர். இதற்காக இவர்கள் (B(OCH3)2Cl) உடன் சோடியம் சேர்த்து ஒடுக்க வினையை நிகழ்த்தினர். விளைபொருளான டெட்ரா ஐதராக்சிடைபோரானை பின்னர் நீராற்பகுப்பு வினைக்கு உட்படுத்தினர். இம்முறையில் தயாரிக்கப்பட்ட போரிக் அமிலத்தை துணை-போரிக் அமிலம் என்று பெயரிட்டு அழைத்தனர் . இத்தயாரிப்பு முறையில் பயன்படுத்தப்படும் மெத்தனாலை மறுசுழற்சிக்கும் பயன்படுத்தமுடியும்.

BCl₃   $\underset{-\mathrm{H}\mathrm{C}\mathrm{l}}{\overset{\text{+ }\mathrm{C}\mathrm{H}{\phantom{A}}_3\mathrm{O}\mathrm{H}}{\to }}$   B(OCH₃)₂Cl   $\underset{-\mathrm{N}\mathrm{a}\mathrm{C}\mathrm{l}}{\overset{\text{+ }\mathrm{N}\mathrm{a}}{\to }}$   B₂(OCH₃)₄   $\underset{-\mathrm{C}\mathrm{H}{\phantom{A}}_3\mathrm{O}\mathrm{H}}{\overset{\text{+ }\mathrm{H}{\phantom{A}}_2\mathrm{O}}{\to }}$   B₂(OH)₄

ஒட்டுமொத்தமாக:     2 BCl₃   +   2 Na   +   4 H₂O   →   B₂(OH)₄   +   2 NaCl   +   4 HCl

வினைகள்

90 °செல்சியசு வெப்பநிலைக்கு மேல் சூடுபடுத்தப்படும் போது டெட்ரா ஐதராக்சிடைபோரான் நீர் நீக்கமடைந்து பலபடிம போரான்(II) ஆக்சைடாக மாறுகிறது. வெப்பநிலை 220 பாகை செல்சியசுக்கு மிகுதியானல் மட்டுமே இச்சேர்மம் முழுமையாக நீர்நீக்கமடைகிறது . டெட்ரா ஐதராக்சிடைபோரான் ஒரு ஒடுக்கும் முகவராகும். இதனுடைய நீர்க்கரைசல் மெல்ல ஐதரசன் வாயுவை வெளிவிடுகிறது .