தங்குதன்(IV) குளோரைடு

தங்குதன்(IV) குளோரைடு (Tungsten(IV) chloride) என்பது WCl₄ என்ற மூலக்கூற்று வாய்ப்பாட்டால் விவரிக்கப்படும் ஒரு கனிம வேதியியல் சேர்மமாகும். எதிர்காந்தப்பண்பு கொண்ட கருப்பு நிறத் திண்மமான இச்சேர்மம் ஓர் இரும தங்குதன் குளோரைடாக ஆராய்ச்சியாளர்களின் கவனத்தை ஈர்க்கிறது.

தயாரிப்பு

WCl₄ பொதுவாக தங்குதன் அறுகுளோரைடை குறைப்பு வினைக்கு உட்படுத்துவதன் மூலம் தயாரிக்கப்படுகிறது. சிவப்பு பாசுபரசு, தங்குதன் அறுகார்பனைல் , காலியம், வெள்ளீயம் மற்றும் ஆண்டிமனி உள்ளிட்ட பல தனிமங்கள் இதற்கு பயன்படுத்தப்படுகின்றன. கடைசியாகக் கூறப்பட்டுள்ள ஆண்டிமனி மிகவும் உகந்ததாகக் கூறப்படுகிறது.

$\mathrm{3}\mathrm{W}\mathrm{C}{\mathrm{l}}_{\mathrm{6}}\mathrm{+}\mathrm{2}\mathrm{S}\mathrm{b}\mathrm{⟶}\mathrm{3}\mathrm{W}\mathrm{C}{\mathrm{l}}_{\mathrm{4}}\mathrm{+}\mathrm{2}\mathrm{S}\mathrm{b}\mathrm{C}{\mathrm{l}}_{\mathrm{3}}$

கட்டமைப்பு

பெரும்பாலான இரும உலோக ஆலைடுகளைப் போலவே தங்குதன்(IV) குளோரைடும் பல்லுருவத் தோற்றம் கொண்டதாகும். எண்முக வடிவத்தில் ஒவ்வொன்றும் தங்குதன் அணுக்களின் நேரியல் சங்கிலிகளைக் கொண்டுள்ளது. ஒவ்வொரு W மையத்திலும் இணைக்கப்பட்டுள்ள ஆறு குளோரைடு ஈந்தணைவிகளில் நான்கு ஈந்தணைவிகள் பாலமமைக்கும் ஈந்தணைவிகளாகும். W-W பிணைப்புகள் ஒன்றையடுத்து ஒன்றென மாறி மாறி பிணைந்துள்ளன. பிணைந்துள்ளவை (2.688 Å) தூரத்திலும் பிணைக்கப்படாதவை 3.787 Å தொலைவிலும் உள்ளன.

வினைகள்

சோடியத்தைச் சேர்த்து தங்குதன்(IV) குளோரைடைக் குறைத்தல் வினைக்கு உட்படுத்தினால் இருதங்குதன்(III) எழுகுளோரைடு வழிப்பெறுதிகள் கிடைக்கின்றன:

2 WCl₄ + 5 thf + 2 Na → [Na(thf)₃][W₂Cl₇(thf)₂] + NaCl