தாமிர ஆக்சலேட்டு

தாமிர ஆக்சலேட்டு (Copper oxalate) CuC₂O₄ என்ற மூலக்கூற்று வாய்ப்பாட்டால் குறிக்கப்படும் கனிம வேதியியல் சேர்மமாகும். தாமிரமும் ஆக்சாலிக் அமிலமும் சேர்ந்து இந்த உப்பு உருவாகிறது. நடைமுறையில் தாமிர ஆக்சலேட்டு நீர், ஆல்ககால், ஈதர் மற்றும் அசிட்டிக் அமிலத்தில் கரையாது. ஆனால் அம்மோனியம் ஐதராக்சைடில் கரையும். தாமிர ஆக்சலேட்டு ஒரு நீரேற்றாக உருவாகிறது. அமில-நீல படிகங்களை இது உருவாக்குகிறது.

தயாரிப்பு

தாமிரம்(II) உப்புடன் சோடியம் ஆக்சலேட்டு கரைசலை சேர்த்து வீழ்படிவாக்கல் வினை மூலம் தாமிர ஆக்சலேட்டை தயாரிக்கலாம். அல்லது ஆக்சாலிக் அமிலத்துடன் தாமிர சல்பேட்டை சேர்த்து வினைபுரியச் செய்தும் தாமிர ஆக்சலேட்டை உருவாக்கலாம்.

$𝖢𝗎𝖲{𝖮}_{\mathrm{𝟦}}\mathsf{+}{𝖧}_{\mathrm{𝟤}}{𝖢}_{\mathrm{𝟤}}{𝖮}_{\mathrm{𝟦}}\mathsf{+}{𝖧}_{\mathrm{𝟤}}𝖮\stackrel{}{\to }𝖢𝗎{𝖢}_{\mathrm{𝟤}}{𝖮}_{\mathrm{𝟦}}\mathsf{\cdot }{𝖧}_{\mathrm{𝟤}}𝖮\mathsf{\downarrow }\mathsf{+}{𝖧}_{\mathrm{𝟤}}𝖲{𝖮}_{\mathrm{𝟦}}$

பண்புகள்

ஓர் அரைநீரேற்றாக தாமிர ஆக்சலேட்டு என்பது ஒரு நீல-வெள்ளை திண்மமாகும். இது நடைமுறையில் தண்ணீரில் கரையாதது. 200 பாகை செல்சியசு வெப்பநிலையில், படிகமயமாக்கல் காரணமாக இது தண்ணீரை இழக்கிறது. தாமிர ஆக்சலேட்டு கார உலோக ஆக்சலேட்டுகள் மற்றும் அம்மோனியம் ஆக்சலேட்டுடன் சேர்ந்து அணைவுச் சேர்மங்களை உருவாக்குகிறது:

$𝖢𝗎{𝖢}_{\mathrm{𝟤}}{𝖮}_{\mathrm{𝟦}}\mathsf{+}{𝖪}_{\mathrm{𝟤}}{𝖢}_{\mathrm{𝟤}}{𝖮}_{\mathrm{𝟦}}\mathsf{+}\mathrm{𝟤}{𝖧}_{\mathrm{𝟤}}𝖮\stackrel{}{\to }{𝖪}_{\mathrm{𝟤}}\mathsf{[}𝖢𝗎\mathsf{(}{𝖢}_{\mathrm{𝟤}}{𝖮}_{\mathrm{𝟦}}{\mathsf{)}}_{\mathrm{𝟤}}\mathsf{]}\mathsf{\cdot }\mathrm{𝟤}{𝖧}_{\mathrm{𝟤}}𝖮$

பயன்கள்

தாமிர ஆக்சலேட்டு கரிம வினைகளுக்கு ஒரு வினையூக்கியாகப் பயன்படுகிறது. அசிட்டைலேற்றம் பெற்ற அசிட்டாலை நிலைநிறுத்தவும் இது பயன்படுகிறது.

இதையும் காண்க

• ஆண்டிபினைட்டு