யூரோப்பியம்(III) ஆக்சலேட்டு

யூரோப்பியம்(III) ஆக்சலேட்டு

யூரோப்பியம்(III) ஆக்சலேட்டு (Europium(III) oxalate) என்பது Eu₂(C₂O₄)₃ என்ற மூலக்கூற்று வாய்பாடால் விவரிக்கப்படும் ஒரு கனிம வேதியியல் சேர்மமாகும். யூரோப்பியமும் ஆக்சாலிக் அமிலமும் வினைபுரிவதால் இச்சேர்மம் உருவாகிறது. பத்துநீரேற்று , அறுநீரேற்று மற்றும் நான்குநீரேற்று உள்ளிட்ட பல்வேறு நீரேற்றுகள் அறியப்படுகின்றன. யூரோபியம்(II) ஆக்சலேட் என்றும் அறியப்படுகிறது. யூரோப்பியம்(II) ஆக்சலேட்டும் இருப்பதாக அறியப்படுகிறது.

தயாரிப்பு

Eu₃⁺ நேர்மின் அயனியுடன் சூடான கரைசலில் அதிகப்படியான ஆக்சலேட்டு சேர்க்கப்பட்டால் Eu₂(C₂O₄)3 ⋅ 10H₂O வீழ்படிவாக கிடைக்கிறது, இது ஓர் ஈரமுலர்த்தியில் உலர்த்தப்படுகிறது.

பண்புகள்

யூரோப்பியம்(III) ஆக்சலேட்டை சுண்ணாம்புக் காளவாயில் இட்டு சூடேற்றினால் யூரோபியம்(III) ஆக்சைடை சேர்மத்தை தயாரிக்கலாம்.

யூரோப்பியம்(III) ஆக்சலேட்டு பத்துநீரேற்று 200 பாகை செல்சியசு வெப்பநிலைக்கு கீழான வெப்பநிலையில் நீர்நீக்கமடைகிறது.:

$\mathrm{E}\mathrm{u}{\phantom{A}}_2(\mathrm{C}{\phantom{A}}_2\mathrm{O}{\phantom{A}}_4){\phantom{A}}_3\cdot 10\mathrm{H}{\phantom{A}}_2\mathrm{O}⟶\mathrm{E}\mathrm{u}{\phantom{A}}_2(\mathrm{C}{\phantom{A}}_2\mathrm{O}{\phantom{A}}_4){\phantom{A}}_3\cdot 6\mathrm{H}{\phantom{A}}_2\mathrm{O}⟶\mathrm{E}\mathrm{u}{\phantom{A}}_2(\mathrm{C}{\phantom{A}}_2\mathrm{O}{\phantom{A}}_4){\phantom{A}}_3\cdot 4\mathrm{H}{\phantom{A}}_2\mathrm{O}⟶\mathrm{E}\mathrm{u}{\phantom{A}}_2(\mathrm{C}{\phantom{A}}_2\mathrm{O}{\phantom{A}}_4){\phantom{A}}_3$

இந்த சேர்மத்தின் சிதைவு இரண்டு நிலைகளில் நடைபெறுகிறது. முதலாவது 350 °செல்சியசு வெப்பநிலையிலும் இரண்டாவது சுமார் 620 °செல்சியசு வெப்பநிலையிலும் நிகழ்கின்றன.

$\mathrm{E}\mathrm{u}{\phantom{A}}_2(\mathrm{C}{\phantom{A}}_2\mathrm{O}{\phantom{A}}_4){\phantom{A}}_3⟶\mathrm{E}\mathrm{u}{\phantom{A}}_2[\mathrm{C}\mathrm{O}{\phantom{A}}_3]{\phantom{A}}_3+3\mathrm{C}\mathrm{O}⟶\mathrm{E}\mathrm{u}{\phantom{A}}_2\mathrm{O}{\phantom{A}}_3+3\mathrm{C}\mathrm{O}{\phantom{A}}_2+3\mathrm{C}\mathrm{O}$

மௌசுபௌர் அலைமாலையில் Eu₂(C₂O₄)₃ · 10H₂O ஆனது EuF₃ சேற்மத்தைக் குறிக்கும் வகையில் 2,38 மிமீ/வி வரி அகலத்துடன் +0,26 மிமீ/வி மாற்றிய மாற்றத்தைக் காட்டுகிறது. Eu₂(C₂O₄)₃ சேர்மத்தின் மின்னிருமுனையித் திருப்புத்திறன் வெப்பநிலை 166±15 கெல்வின் ஆகும்.

கட்டமைப்பு

யூரோப்பியம்(III) ஆக்சலேட்டு பத்து நீரேற்று P21/c (எண். 14) என்ற இடக்குழுவில் குழுவில் a = 1098, b = 961, c = 1004 pm மற்றும் β = 114.2° என்ற அளவுருக்களுடன் ஓர் அலகு செல்லுக்கு நான்கு வாய்பாட்டு அலகுகளுடன் ஒற்றைச் சரிவச்சு படிகத் திட்டத்தில் படிகமாகிறது.

பயன்

நானோ துகள்கள் 393 நானோமீட்டர் ஒளி மூலத்தால் கிளர்த்தப்படும் போது ஒரு வரி உமிழ்வைக் காட்டுகின்றன, 592 நானோமீட்டரில் 5D0→7F1 மாற்றமும் 616 நானோமீட்டரில் 5D0→7F2 மாற்றமும் காணப்படுகிறது. வெள்ளை ஒளி உமிழ் இருமுனையங்களில் ஒளிர் பொருளாக இதை பயன்படுத்தலாம்.