கோண அதிர்வெண்

கோண அதிர்வெண் ω (நொடிக்கான ரேடியன்கள்), அதிர்வெண் ν ஐ (நொடிக்கான சுழற்சிகள், பொதுவாக ஹேட்சில் அளக்கப்படுகிறது) விட 2π எனும் காரணியால் பெரியது. இப்படத்தில் அதிர்வெண்ணைக் குறிக்க f அல்லாது ν பயன்படுத்தப்படுகிறது.

இயற்பியலில் கோண அதிர்வெண் எனப்படுவது சுழலும் விகிதத்தை அளவிடும் எண்ணிக்கணியம். கோண அதிர்வெண்ணானது கோண வேகம் எனப்படும் திசையன் கணியத்தின் பருமன் ஆகும். கோண அதிர்வெண் திசையன் $\overrightarrow{\omega }$ எனப்படுவது சிலவேளைகளில் கோண வேகத்திற்கு ஒத்தசொல்லாக பயன்படுகிறது.

ஓர் சுழற்சி 2π ரேடியன்களிற்கு சமனாகும், எனவே

$\omega =\frac{2\pi }{T}=2\pi f,$

இங்கு

ω என்பது கோண அதிர்வெண் அல்லது கோணக் கதி (செக்கனிற்கான ரேடியன்களில் அளக்கப்படும்),

T என்பது சுழற்சிக்காலம் (நொடிகளில் அளக்கப்படும்),

f என்பது அதிர்வெண் (ஹேட்சில் அளக்கப்படும்),

அலகுகள்

SI அலகுகளில் கோண அதிர்வெண் நொடிக்கான ரேடியன்கள் எனப்படுகிறது, பரிமாணப்படி அலகு ஹேட்சு என்பதும் சரியானதே, ஆனால் நடைமுறையில் சாதாரண அதிர்வெண் f இற்கே பாவிக்கப்படுகிறது, ω இற்கு இல்லையென்றே கூறலாம், இந்த நடைமுறையால் குழப்பம் தவிர்க்கப்படுகிறது.

எடுத்துக்காட்டுகள்

ஓர் கோளம் அச்சுப்பற்றி சுழல்கிறது, அச்சிலிருந்து தொலைவில் அமைந்த புள்ளிகள் விரைவாக நகர்கின்றன இது வார்ப்புரு:Nowrap இனை திருப்திப்படுத்துகிறது.

வட்ட இயக்கம்

வட்ட இயக்கத்திலுள்ள பொருளின் அச்சிலிருந்தான தூரம், தொடலி வேகம், கோண அதிர்வெண் ஆகியவற்றிற்கிடையில் தொடர்புண்டு:

$\omega =v/r$

சுருளிவில்லின் அலைவு

வார்ப்புரு:Classical mechanics சுருளிவில்லில் இணைக்கப்பட்ட பொருள் ஆடலுறும். சுருளிவில்லை திணிவற்றதாகவும் தடையில்லாததாகவும் கருதினால் அதன் இயக்கம் பின்வரும் கோண அதிர்வெண்ணுடைய எளிய இசையியக்கமாக இருக்கும்:

$\omega =\sqrt{\frac{k}{m}},$

இங்கு

k வில் மாறிலி

m பொருளின் திணிவு.

ω என்பது இயற்கை அதிர்வெண் (இது சிலவேளைகளில் ω₀ ஆல் குறிக்கப்படும்).

அலைவுறும் பொருளின் அதிர்வெண்

$a=-{\omega }^{2}x,$ இனால் கணிக்கப்படும்,

இங்கு x சமனிலைத் தானத்திலிருந்தான இடப்பெயர்ச்சி.

இங்கு சாதாரண அதிர்வெண்ணைப் பயன்படுத்துகையில் இச்சமன்படானது கீழ்வருமாறு அமையும்

$a=-4{\pi }^2{f}^{2}x.$

LC மின்சுற்றுக்கள்

LC சுற்றின் பரிவு அதிர்வெண்ணானது மின் கொள்ளளவம் (C ஃபரட்டில் அளக்கப்படுகிறது), மின் தூண்டுதிறன் (L ஹென்றியில் அளக்கப்படுகிறது) ஆகியவற்றின் பெருக்கத்தின் தலைகீழின் வர்க்கமூலத்திற்கு சமனாகும்.

$\omega =\sqrt{\frac{1}{LC}}$

மேலும் பார்க்க

• எளிய இசை இயக்கம்

மேற்கோளும் குறிப்புகளும்

வார்ப்புரு:Reflist தொடர்புடைய வாசிப்பிற்கு:

• வார்ப்புரு:Cite book